Partia Demokratike denoncon përmes pamjeve filmike mbushjen e kutive të votimit nga komisionerët e PS-së. Oerd Bylykbashi thotë se do të vijojnë paditë ndaj shkelësve që manipuluan rezultatin e votimeve këtë 30 qershor.
“Kjo maskaradë e urdhëruar nga Edi Rama, e ekzekutuar në mënyrë piramidale nga Komisioni Qendror i Zgjedhjeve, nga katër militantët e PS në Komisionin Qendror të Zgjedhjeve të cilët duhet të mbajnë përgjegjësi penale për këto krime zgjedhore që ata kanë kryer dhe ekzekutuar, duke filluar nga KQZ dhe urdhri që ka dhënë KZAZ-ve dhe Komisionit të Qendrave të Votimit është një mekanizëm i tërë piramidal vetëm e vetëm për të ekzekutuar porosinë e Edi Ramës, që pjesëmarrja ën votime të ishte sa më e lartë e mundshme. Megjithatë kjo ishte e pamjaftueshme për Edi Ramën, sepse numri i votave në kuti nuk do t’i korrespondonte pjesëmarrjes në votim dhe kjo është shumë e qartë. Vetëm 15 përqind kanë votuar dhe kjo është monitoruar një më një për 12 orë rresht nga vëzhguesit e Partisë Demokratike edhe pse opozita iu mohua aksesi në qendrat e votimit”, tha Oerd Bylykbashi.
https://www.facebook.com/opinioni.al/videos/402460087280474/
Sipas tij komisionerët identifikojnë zgjedhësit pasi marrin informacionin telefonikisht; marrin të dhënat dhe kartën e identitetit të zgjedhësve që nuk vijnë dot të votojnë, përfshi edhe emigrantë dhe më pas votojnë vetë.
“Kjo skemë kriminale është shtrirë në të gjithë Shqipërinë. Provat janë mbledhur, po dokumentohen përditë e më tepër dhe kallëzimet penale do të bëhen për të gjithë …”/ Opinion.al
