Ajo është shpallur nga prestigjiozja “Forbes” si 21-vjeçarja më e pasur në botë. Personazhi televiziv Kylie Jenner ka mundur të fitojë miliarda dollarë përmes linjës së saj të produkteve kozmetike “Kylie Cosmetics”.
Megjithatë sipas saj fitimi i parave nuk ka qenë qëllimi i saj në fillesa. Gjatë një interviste për revistën “Harper’s Bazaar Arabia”, Jenner ka theksuar se biznesin e nisi për të ndjekur pasionin për ‘make up-in’.
“Unë nuk e bëj këtë gjë për para apo të mendoj se në të ardhmen do ketë super sukses. Unë i dija talentet e mia dhe isha e pasionuar pas ‘make up-it’, buzëve dhe buzëkuqve. Ka qenë dashuria ime më e madhe për aq sa mbaj mend. Asnjëherë nuk e dija se pasioni mund të kthehej në biznes. Unë thjesht ndoqa zemrën time dhe vazhdova para ashtu si e ndjeja. Tani ndjehem e bekuar çdo ditë kur zgjohem, sepse kënaqem me atë që bëj. Është e mrekullueshme”, -ka thënë Kylie.
Sa i përket famës dhe vëmendjes Jenner ka theksuar se është mësuar me faktin e të qenurit në qendër të vëmendjes, pasi ka qenë vetëm 9 vjeçe kur nisi ‘reality show’ ‘Keeping Up With The Kardashians’./Opinion.al/
