Përplasjet mes presidentit Ilir Meta dhe kryeministrit Edi Rama po ashpërsohen çdo ditë dhe më shumë.
Por pas “luftës” së dy drejtuesve kryesor të shtetit, kryetarja e komisionit të Ligjeve, Ermonela Felaj është shprehur se KLGJ, në raportin që i ka dërguar Kuvendit, ka gjetur një sërë shkeljesh të Këshillit të Lartë të Drejtësisë (KLD), nën kryesimin e kreut të shtetit.
Kjo deklaratë, bëri që zëdhënësi i Presidencës, Tedi Blushi, të reagonte duke thënë se deklaratat e Felajt lënë të dyshohet për arrestimin e Metës.
Ndërkohë, për skenarin e arrestimit të mundshëm të presidentit ka folur dhe gazetari Ylli Rakipi.
Gazetari tha se miku i tij, kishte folur me një tjetër njeri të rëndësishëm të medias dhe ky i fundit i kishte kërkuar që të largohej nga Presidenti Meta, pasi do ta fusin në burg.
Pjesë nga biseda:
Hila: Në ajër qarkullojnë fjalë për një marrëveshje të re Basha-Rama. Si e mendon ti këtë?
Rakipi: Sot një kolegu im, po më shpjegonte që e kishte thirrur një tjetër njeri i rëndësishëm i medias dhe i kishte thënë “Ik nga Ilir Meta, se je afër ti, se do ta fusin në burg”. Edhe do bëhet qeveri e re 10 vjet me Ramën dhe Bashën.
Hila: Ka qarkulluar edhe një fjalë gjatë fushatës…
Rakipi: Ika unë dhe e përtypa pak këtë edhe e mora në telefon këtë kolegun tim. I thashë: Kur, para se të dilte Ilir Meta në konferencë apo pas? Pas – më tha. Këta kërkojnë të tërbojnë dhe xhelozojnë Ilir Metën se diçka po shkruhet. Merkeli do ulet, do t’i ulë këta tani. Vetëm nuk e di kjo vapa, sepse Merkelin e zë edhe dridhja. Mos na e zë dridhja para Ramës dhe këtij tjetrit. Edhe kjo ideja, po e bëri opozita këtë fiton Basha me të vetët, vjelin, mbushin thasët. Por vdes i gjithë procesi që ka nisur dhe opozita vdes. Edi Rama është mjeshtër në Evropën Juglindore, por edhe më gjerë për këtë lloj, është si këta ciganët./Opinion.al E.Xh.
