Këngëtarja me origjinë shqiptare Dua Lipa duket se nuk do të ndalet vetëm në të bërit muzikë gjatë karrierës së saj.
Ajo ka publikuar një rrjete sociale një njoftim për ndjekësit e saj që tashmë do të përfshihet edhe në botën e modës, duke e parë edhe si stiliste.
Dua është shprehur se ka bashkëpunuar me markën e njohur londineze Pepe Jeans për të krijuar koleksionin “Dua Lipa & Pepe Jeans”.
Këngëtarja ka theksuar se më 3 shtator do të hedhë në treg linjën e saj të parë të veshjeve për të cilën ka disa kohë që po punon.
Ndër të tjera Dua ka treguar se është frymëzuar nga vitet 90’ për stilin e veshjeve të linjës së saj, duke u shprehur se ka krijuar veshje moderne dhe të përballueshme, diçka përfaqëson atë vetë dhe dëgjuesit e muzikës së saj.
“Më në fund mund t’ju them se kam bashkëpunuar me Pepejeans për të krijuar koleksionin Dua Lipa & Pepe Jeans! Kam dashur që nëpërmjet dizajnit të shpreh veten time në një tjetër formë, sepse gjithmonë imagjinoja se si doja të ishin rrobat që doja të vishja dhe tani e kam vënë në zbatim. Jam inspiruar nga vitet 90’ dhe 2000, për të krijuar veshje moderne, dhe të përballueshme, diçka që më përfaqëson mua dhe dëgjuesit e muzikës time. E kam bërë këtë koleksion, duke ju patur juve të gjithëve në mendje. DUAFORPEPE do të hidhet në treg më 3 shtator”-ka shkruar Dua në rrjete sociale.
Aktualisht ajo po përgatitet për “Sunny Hill Festival”, i cili do të realizohet në Kosovë ku janë të ftuar emra të njohur Miley Cyrur, Dj Calvin Harris etj./Opinion.al/
