Pas zgjedhjeve vendore të 30 qershorit, një nga pyetjet bëhet më shpesh është se çfarë do të jetë lëvizja e radhës e opozitës, konkretisht Partia Demokratike. Zgjedhjet deri tani kanë prodhuar dy fakte, së pari që Partia Socialiste do të drejtojë të gjitha 61 bashkitë e vendit dhe së dyti që pjesëmarrja në votime ishte shumë e ulët. Ky fakt ngre një pyetje se nëse opozita do të kishte hyrë në zgjedhje a do të kishte dalë fituese, domethënë a ja vlejti politikisht e gjithë “sakrefica” që ata bën.
Për djalin e ish-deputetit të ndjerë Sokol Olldashi, Glauk Olldashi, Partisë Demokratike do ti bënte mirë një proces zgjedhor për ristrukturimin e saj.
Në një reagim në Facebook ai ngre të njëjtën pyetje “Ky akt, i cili i dha 61 bashki PS – A do t’i vlejë kësaj force politike? Po për ne a do të vlejë?”. Megjithëse nuk jep një përgjigje të drejtpërdrejtë, Olldashi e konsideron një fakt të hidhur që PD-ja tashmë nuk ka më asnjë pushtet.
Partia Demokratike i bojkotoi këto zgjedhje dhe për djalin e ish deputetit ky vendim u mor në mënyrë të njëanshme pa i pyetur të gjithë demokratët. Ai gjithsesi nuk i përjashton “të gjithë” nga faji për gjendjen ku ndodhet partia duke konsideruar si më të rëndë faktin që ajo nuk ka mundur të ndjellë besim tek qytetarët. Olldashi shkon deri aty sa thotë se një mendësi komuniste e ka infektuar PD dhe se kjo mund të zgjidhet nuk kaluar në një proces zgjedhjesh.
Fundja kjo do ti jepte atij mundësinë që të ushtrojë për herë të parë të drejtën e votës, të cilën siç thotë ai e kishte pritur aq shumë por që nuk mundi ta ushtrojë në këto zgjedhje. /Opinion.al
