Ish-deputeti i PD, Ervin Salinaji ka reaguar pas vendimit të presidentit Ilir Meta, për shtyrjen e zgjedhjeve lokale më 13 tetor.
Salianji u shpreh nga Korça se data e zgjedhjeve nuk është problem por blerja e votës.
Ish-deputeti i PD tha se zgjedhjet e 30 qershorit janë të PS, pasi dekreti i Metës ka caktuar datën 13 tetor si datën e re për zhvillimin e zgjedhjeve lokale.
“Kërkesat tona janë të qarta. Problem për ne nuk është data e zgjedhjeve. Problem për ne është blerja e votës dhe ne kemi kërkuar largimin e Ramës dhe qeverise tranzitore. Vijojmë me takime. E sigurt është që zgjedhjet e 30 qershorit janë të PS dhe të zgjedhin kryetarët e tyre. Dekreti i presidentit është në 13 tetor. Ka një datë të re sipas Kushtetutës dhe Presidencës. Ne po kërkojmë kushte gare. Çdo gjë që thotë Rama është tentativë e dështuar”, deklaroi Salianji./ Opinion.al E.Xh.
