Pak orë para nisjes së protestës së opozitës ka ardhur një reagim në ana e Ambasadës Gjermane në Tiranë.
Në reagim i bëhet thirrje organizatorëve të sigurohen që protesta të jetë paqësore dhe të zbatojnë ligjin.
Ambasada shton se mësymjet e fundit që kanë ndodhur në KZAZ e disa bashkive nuk janë mjete legjitime por i bën apel forcave politike të heqin dorë nga sulmet verbale dhe të marrin përgjegjësitë.
“Liria e tubimeve dhe e drejta për të demonstruar paqësisht janë kolonat e çdo demokracie. Ndërsa dhuna e çdo lloj forme është e papranueshme! Duke patur parasysh demonstratën e njoftuar për mbrëmjen e sotme u bëj thirrje të gjithë pjesëmarrësve të respektojnë ligjet në fuqi. Prej organizatorëve pres të angazhohen me të gjitha mundësitë për një zhvillim paqësor të protestës si dhe të jenë në lartësinë e përgjegjësisë së tyre përmes apelit publik për protesta paqësore. Me shqetësim të madh jam duke ndjekur ditët e fundit edhe trazirat e dhunshme në vende të ndryshme të Shqipërisë. Një gjë është e qartë: mësymjet e dhunshme nuk janë mjete legjitime të përballjes politike.
U bëj thirrje me forcë të gjitha palëve të heqin dorë edhe nga sulmet verbale e të marrin përsipër përgjegjësitë e tyre për vendin.“
Pak ditë më parë në lidhje me protestën reagoi edhe ambasada e SHBA e cila i kërkoi protestuesve të distancohen nga dhuna. Në një gjuhë të ngjajshme me homologët gjermanë, ata dënuan gjithashtu veprimet e kryera ndaj KZAZ-ve në disa bashki./Opinion.al
