Ditën e sotme dhjetëra qytetarë u përplasën me policinë në KZAZ në Shkodër.
Gjatë përplasjes qytetarët kanë shkatërruar materialet zgjedhore duke i djegur ato brenda ambienteve të shkollës “Shejnaze Juka”.
Lidhur me këtë ngjarje, ka reaguar ish-deputetja e PD, Jozefina Topalli, e cila ka dënuar këtë akt nga qytetarët.
Topalli është shprehur se demokratët e vërtet nuk djegin mandate, shkolla apo të kenë frikë nga zgjedhjet
Ish-deputetja shprehet se kryeministri Edi Rama nuk mund të largohet duke refuzuar parimet demokratike.
Reagimi i Topallit
Djegia e shkolles nuk eshte historia e Shkodres. E kunderta eshte historia e ketij qyteti.
Kjo nuk ka ndodhur kurre ne 3 dekada. Nje demokrat nuk djeg as mandate as shkolla. Nje democrat i vertete nuk hedh as molotov as ka frike nga zgjedhjet.
Demokratet nuk kane patur frike ne ‘97 kur gjysma e territorit kontrollohej nga bandat.
Nuk largohet Rama duke refuzuar parimet e vlerat e democracise. Partia demokratike lindi si enderr e lirise dhe e te drejtes me votu.
Ai qe mendon se do pengoje te drejten e votes nuk eshte demokrat.
Shqiptaret duan paqe. 3 milion shqiptare nuk mund te mbeten gjate peng te 4-5 veteve./ Opinion.al E.Xh.
