Një 16-vjeçar është arrestuar nga policia e Elbasanit, pasi akuzohet për disa vjedhje në këtë qytet.
Mësohet se arrestimi i të miturit u bë në kuadër të operacionit të koduar “Motoçikleta”.
Gjatë kontrollit të ushtruar nga policia, janë sekuestruar nën cilësinë e provës materiale një motoçikletë dhe pjesë të ndryshme të motoçikletave.
“Arrestimi i tij u bë pasi në lagjen ” 28 Nëntori” Elbasan, ka tentuar të vidhte një motoçiklet të parkuar në rrugë, por është pikasur nga shërbimet e Policisë.
Nga veprimet hetimore të kryera dyshohet se ky shtetas është autorë dhe i 3 vjedhjeve të tjera, pasi në kohë dhe vende të ndryshme realizonte vjedhje të motoçikletave në qytetin e Elbasanit.
Gjatë kontrollit të ushtruar në banesën e tij, policia gjeti dhe sekuestroi në cilësinë e provave materiale : një motoçiklet dhe pjesë të ndryshme të motoçikletave”,- njofton policia./ Opinion.al E.Xh.
