Kryeministri i Maqedonisë së Veriut, Zoran Zaev, ndodhet në Bruksel nga ku dhe ka folur për procesin e hapjes së negociatave me Maqedoninë e Veriut dhe me Shqipërinë.
Kreu i qeverisë së vendit fqinj tha se Franca dhe Holanda kanë shprehur rezerva për nisjen e negociatave më Shqipërinë, ndërsa theksoi se edhe Gjermania ka “frikë” nga kërcënimet e palës shqiptare, se një mbyllje dere me BE-në, mund të shoqërohet me destabilitet në rajon, kryesisht në Kosovë.
Siç raporton ‘Zhurnal.mk’, Zaev ka thënë se Franca dhe Holanda kanë shprehur rezerva për hapjen e negociatave me Shiqipërinë, ndërsa theksoi se Gjermania ‘ka frikë’ nga kërcënimet që vijnë nga Shqipëria se nëse nuk hapen negociatat atëherë do të ketë destabilitet në rajon, kryesisht në Kososvë.
Zaev ka shtuar më tej se Gjermania ka frikë nga kryeministri i Shqipërisë, Edi Rama, i cili kërcënon palën gjermane me ndryshim kufijsh dhe një bashkim të mundshëm me Kosovën. Megjithatë për kryeministrin e vendit fqinj kjo që nuk do të ndodhë, por pohon se një hap i tillë do të ishte kthim më dhjetë vite mbrapa për Shqipërinë.
“Ata mendojnë se nëse i hapin negociatat me Maqedoninë e Veriut dhe lihet jashtë Shqipëria, do të krijohet problem dhe mund të ndikojë tek Kosova. Gjermanët frikësohen nga kërcënimet e mikut tim Edi Rama për ndryshime të mundshme të kufijve ose bashkimit me Kosovën, por unë nuk besoj në këto punë, pasi kjo do të thotë kthim prapa për 10 vjet për Shqipërinë. Ndërsa një gjë të tillë nuk e dëshiron askush”- tha Zaev
Më herët gjatë vizitës së tij në Bruksel, Zaev u shpreh se hapja e negociatave me BE është një ngjarje shumë e rëndësishme për Maqedoninë e Veriut dhe Shqipërinë. Nëse kjo gjë shtyhet për shtetin e tij ai tha se mund të rrezikojë ta çojë atë në zgjedhje të parakohshme. /Opinion.al
