Sipas mediave italiane, rreth 6% e buxhetit total evropian shkon për pagat e 60 mijë nënpunësve. E përditshmja “Fatto quotidiano” ka publikuar sot pagën e Kryetarit të Komisionit Europian, Junker. Paga mujore e tij raportohet të jetë 33.000 euro, 138% më e lartë se paga e drejtorëve të përgjithshëm të cilët paguhen 28 mijë euro në muaj.
Në artikull përmendet edhe fakti se presidentit Junker i shtohen në pagë edhe 4 mijë euro për të paguar rezidencën si dhe 1500 euro për shpenzime kur është në misione përfaqësuese.
Përsa i përket përfaqësueses së lartë të Bashkimit Europian për çështjet e jashtme dhe politikat e sigurisë, Federika Mogherini edhe ajo nuk mbete pas Junker. Paga e saj mujore është rreth 32 mijë euro në muaj.
Zëvendës presidentët e komisionit paguhen 30 mijë euro në muaj ndërsa Komisioneri për Cështjet Ekonomike dhe Financiare, Pier Moskovic paguhet 27 mijë euro.
Bashkimi Europian ka ndarë për vitin 2019 një shifër prej 9.943 miliardë eurosh, thënë ndryshe 6% të buxhetit total europian për të paguar rreth 60 mijë nëpunës. /Opinion.al
