Presidenti Ilir Meta sqaroi sot në fjalën e mbajtur në konferencën e zhvilluar nga Shoqata George C. Marshall Shqipëri, pozicionin e tij në lidhje me krizën politike të vendit.
Përgjigja e Metës për të gjithë ata që kërkojnë ndërhyrje në këtë proces ka qenë me anë të një satirizimi të aksioneve politike të PS dhe PD.
“Presidenti nuk mund të ulë disa persona që thonë nuk ulem me këtë se është kryeministër ndërsa tjetri thotë se 30 qershori do të jetë një ditë suksesi e madhe për demokracinë në këto kushte që jemi”, theksoi Meta.
Presidenti saktësoi edhe njëherë pozitat e tij dhe kompetencat kushtetuese në lidhje me sa e lejonin të vepronte për situatën aktuale. Ai bëri apel për përgjegjshmëri dhe paanësi në situatën aktuale si zgjidha e vetme e mundshme.
“Kjo situatë kërkon përgjegjshmëri nga te gjithë aktorët si vendas dhe ndërkombëtarë. Kërkon paanësi dhe kërkon gjithashtu të kemi parasysh se një situatë me probleme në Shqipëri nuk na ndikon ne perspektiven e gjithë rajonit” mbylli Meta fjalën e tij. /Opinion.al
