Kompanitë e njohura të veshjeve sportive Adidas, Nike dhe Puma i bënë thirrje presidentit të SHBA-së, Donald Trump të përfundojë sa më parë luftën tregtare me Kinën duke e quajtur “katastrofike” vendosjen e tarifave të reja.
Përmes një letre drejtuar presidentit amerikan, Donald Trump, prodhuesit e njohur iu bashkuan më shumë se 170 kompanive tjera të cilat bëjnë thirrje që të përjashtohen nga tarifat e reja në importet e Kinës.
Në letër shkruhej se industria e atleteve sportive tashmë paguan 3 miliard dollarë obligime dhe se tarifat shtesë do të rrisnin kostot dhe çmimet.
Kujtojmë se administrata amerikane ka rritur tarifat ekzistuese në importet kineze dhe po kërcënon t’i vendosë këto tarifa pothuajse në të gjitha produktet kineze të importuara në Shtetet e Bashkuara. Kjo do të përfshijë taksa shtesë për mallrat e konsumit si elektronikë dhe veshje, duke përfshirë atletet dhe telefonat iPhone.
Kjo masë ka shkaktuar alarm te shitësit dhe prodhuesit të cilët mbështeten në mallrat nga Kina.
“Tarifa shtesë e propozuar prej 25 për qind do të ishte katastrofike për konsumatorët tanë, kompanitë tona dhe ekonominë amerikane në tërësi”, thuhet në letrën e prodhuesve të njohur amerikanë.
Kisha dhe SHBA po negociojnë për tejkalimin e situatës kaotike mirëpo ende nuk kanë arritur ndonjë marrëveshje./Opinion.al
