Ka përfunduar takimi në selinë blu mes kryetarit të Partisë Demokratike, Lulzim Basha dhe aleatëve të tij në koalicionin opozitar. Ka qenë kreu i LZHK, Dashamir Shehi, i cili është prononcuar për mediat për të komentuar këtë takim.
“Mesazhi kryesor i takimit ishte se zgjedhje më datë 30 nuk ka. Kjo është e para, mesazhi kryesor. Më shumë se 25 kandidatë nuk ka konkurrues. Kanë rënë që tani moralisht zgjedhjet. Do sajojnë kandidatë. Që sot po ju paralajmërojmë se ka filluar manipulimi zgjedhor. Kanë rënë dhe me letra. Nuk do lejojmë zgjedhje më datë 30 qershor me gjithë aksionin e mundshëm opozitar, në 360 gradë. Këtu moral më për zgjedhjet nuk ka”,– tha Shehi
Përsa i përket protestave të ardhshme ai tha “Aksioni fatkeqësisht do spostohet shumica në rrugë. Nuk do heqim dorë nga takimi me ndërkombëtarët, as me rininë e median, por akti kryesor është protesta në rrugë. Duam zgjidhjen finale pozitive për Shqipërinë që të vijë dita të bëhen zgjedhje si në të gjithë botën. Çuam alternativa për protestat. Ky qytet mund të prodhojë protesta përditë. Ne nuk bëjmë protestë për protestë, por se po shkelen rregullat e lojës në mënyrë të përsëritur”
Pyetjes nëse do të ketë një marrëveshje të mundshme siç u përfol Rama-Basha Shehi ju përgjigj: “Jo nuk flas për këtë”./Opinion.al/
