Ambasada e Shteteve të Bashkuara të Amerikës ka përcjellë një mesazh ngushëllimi për familjarët Major Klodian Tanushit, i cili humbi jetën gjatë misionit të NATO-s në Letoni.
“Shtetet e Bashkuara shprehin ngushëllimet më të thella për familjen dhe miqtë e Majorit Klodian Tanushi, i cili humbi jetën në krye të detyrës gjatë misionit të NATO-s në Letoni. Iu bashkohemi qytetarëve shqiptarë në nderimin e sakrificës së tij dhe në vajtimin për humbjen e tij,”-shkruhet në mesazhin e Ambasadës.
Si pasojë shpërthimit të një mine më 6 maj në kampin ‘Adazi’ në Letoni humbën jetën nëntetarja Zarife Hasanaj, ndërsa major Tanushi mbeti i plagosur rëndë.
Për shkak të plagëve të marra ai humbi jetën katër ditë më vonë në spital. Trupi i majorit shqiptar pritet të mbërrijë në vendin tonë ditën e nesërme./Opinion.al/
