Gjatë vizitës së tij në Kinë kryetari i Bashkisë së Tiranës Erion Veliaj është ndalur tek Universiteti i Studimeve Ndërkombëtare në Pekin.
Ai ka ndarë me ndjekësit e tij në rrjete sociale mikpritjen që i kanë bërë studentët duke kënduar edhe recituar vargje dhe këngë në shqip.
Një prej studenteve është duke recituar poezinë “Mall” të shkrimtarit të njohur shqiptare Ismail Kadare.
” Një mikpritje unike në Universitetin e Studimeve Ndërkombëtare të Pekinit me vargjet e Kadaresë! E pabesueshme sa shumë të rinj po mësojnë shqip e me çfarë poezish!,”-ka shkruar Veliaj.
Më pas një grup tjetër studentësh kanë kënduar këngën “Mirëmëngjes” të kantautorit Alban Skënderaj duke e artikuluar gjuhën shqipe në mënyrë perfekte./Opinion.al/
