Luanët e kopshtit zoologjik “Safari Park” në Fier janë duke u transferuar drejt Holandës.
Fillimisht ata u zhvendosën nga kopshti zoologjik në Fier, nga forcat e Policisë së Shtetit, që hynë brenda parkut zoologjik me forcë, duke ekzekutuar në këtë mënyrë vendimin për zhvendosjen e kafshëve drejt Kopshtit Zoologjik të Tiranës sepse “Safari Park” nuk plotësonte kushtet për jetesën e kafshëve.
Kujtojmë se ishte fillimisht britanikja “Daily Mail” e cila raporti kushtet e vështira dhe “ferrin” në të cilin jetonin kafshët.
‘Kopshti zoologjik i ferrit’, bëri xhiron e mediave britanike pasi fotot e marra në kopshtin zoologjik të Safarit, tregonin një luan të kequshqyer, kockë e lëkurë, i cili vuante nga një infeksion i syrit.
“Daily Mail” gjithashtu raportoi se kafsha të tjera si zebra, një ari apo një ujk i dobët, jetonin të izoluar dhe pa ushqim në këto kafaze, në kopështin zoologjik privat në Fier, ku mungonte kujdesi veterinar.
Duke e konsideruar situatën e krijuar në këtë kopësht, absolutisht të papranueshme prestigjozja britanike i bëri thirrje autoriteteve shqiptare të marrin urgjentisht masa, për të shpëtuar kafshët e këtij kopshti zoologjik nga mizoria ku ato jetojnë./Opinion.al
