Sipas një sondazhi europian që vjen në mesin e një rritjeje globale të rasteve të fruthit, thuajse gjysma e europianëve mendojnë se vaksinat shpesh sjellin pasoja serioze.
“Rreth 48 për qind e të anketuarve janë dakord me idenë false se, vaksinat shpesh prodhojnë efekte anësore, krahasuar me 41 për qind, që me të drejtë thonë se jo”, shkruhet në përmbledhjet e sondazhit.
Ky studim pason raportet se besimi tek vaksinat ka rënë në disa pjesë të Europës, ndërsa grupet kundër vaksinave po fitojnë terren edhe në sferën politike.
Një në çdo 5 italianë, austriakë dhe rumunë besojnë se vaksinat nuk janë të rëndësishme për mbrojtjen ndaj sëmundjeve, ndërsa në të gjithë BE-në, një e treta e atyre që nuk vaksinohen thonë se nuk i shohin ato të nevojshme.
UNICEF paralajmëroi në mars se, 98 vende të botës kanë raportuar më shumë raste fruthi në vitin 2018, krahasuar me një vit më parë, duke përmbysur progresin ndaj sëmundjes që është më ngjitëse sesa ebola, tuberkulozi apo gripi./Opinion.al
