Një grua rreth 70 vjeç është gjetur sot e mbytur në Durrës. Policia njofton se e ka gjetur kufomën e gruas në lagjen numër 13 në Durrës, ndërsa në bregdet janë gjetur një shkop, një çantë ngjyrë e zezë dhe një palë këpucë ngjyrë blu.
“Në lagjen nr.13,Durrës, është gjetur e mbytur një shtetase e paidentifikuar, rreth 70 vjeçe, me flokë të gjata e të thinjura dhe e veshur me rroba të zeza. Ne breg të detit janë gjetur një shkop, një çantë ngjyrë e zezë dhe një palë këpucë ngjyrë blu. Nga këqyrja paraprake e kufomës nuk janë konstatuar shenja dhune. Po punohet për identifikimin e kufomës dhe shkakun e mbytjes”, njofton policia./Opinion.al
