Është lënë në burg Alkond Bengasi, një nga katër të arrestuarit si të përfshirë në grabitjen e Rinasit, në Prill. Alkond Bengasi është kushëri i Klement Çalës. Ai akuzohet për grabitje, grup të strukturuar dhe armëmbajtje dhe prodhim municionesh.
Vetë Klement Çala, është një person me precedentë të rrezikshëm dhe me të kaluar kriminale në Greqi dhe në Shqipëri po në fushën e grabitjeve të armatosura i cili vazhdon të jetë në kërkim që prej 2013-s.
Tre të arrestuarit e tjerë Renaldo Sula, 25 vjeç Saimir Çela, 28 vjeç nga Elbasani dhe 38-vjeçari Oltian Veseli, banues në Krujë do të dalin të mërkurën para gjykatës.
Prangosja e tyre u krye 13 ditë pas ngjarjes. Dy nga të arrestuarit kishin në pronësi servisin që gjendet në rrethrrotullimin e Bradasheshit në Elbasan, atje ku dyshohet se u modifikua dhe makina me logon “Hetimi Tatimor”.
Sipas policisë, në furgonin që u përdor nga autorët për të marrë paratë nga avioni i “Austrian Airlines” janë gjetur dhe sekuestruar prova të mjaftueshme për të zbardhur plotësisht ngjarjen. /Opinion.al
