Shteti Islamik ka marrë përgjegjësinë e sulmeve në Sri Lanka ditën e Pashkës, ku mbetën të vrarë të paktën 321 persona.
Komunikata është shpërndarë përmes agjencisë gjysmëzyrtare të Shtetit Islamik, Amaq. Deri më tani nuk ka prova të qarta për implikimin e ISIS-it në këtë ngjarje, megjithëse sulmet e koordinuara ditën e Pashkës të bëjnë të mendosh se ka qenë një atentat terrorist i mbështetur nga jashtë.
Autoritetet e Sri Lankës, të cilat nuk i janë përgjigjur ende komunikatës së ISIS, akuzohen se nuk kanë reaguar në kohë pas sinjaleve që kishin marrë për atentatet terroriste.
India dhe Shtetet e Bashkuara të Amerikës, nëpërmjet një raporti sekret, e kishin paralajmëruar Sri Lankën për mundësinë e atentateve terroriste që më 4 prill. Qeveria e shtetit aziatik, akuzon grupin “National Thoëheeth Jama’ath” për sulmet./Opinion.al
