Çdo vit në vendin tonë sipas Institutit të Shëndetit Publik regjistrohen rreth 5500 raste të reja me kancer. Numër më të lartë të të prekurve shënojnë kanceri i mushkërive dhe ai i gjirit, ndërkohë që 16.4% e të sëmurëve humbin jetën prej tumoreve.
Raporti kombëtar i Institutit të Shëndetit Publik ka publikuar të dhënat, ndërsa mjekët shprehen për rritje të numrit të të prekurve vitet në vijim.
Alban Ylli, specialist i Institutit të Shëndetit Publik thotë për “ABC News” se: “Shqipëria ka 16,4 % vdekshmëri nga kanceri, më pak se në Evropë. Është situatë e moderuar, por është çështje e efektit të moshës dhe do vijojmë të kemi më shumë kancer. Kanceri në mushkëri ka 780 raste të reja në vit, mbi 640 raste nga kanceri i gjirit, pastaj vijojnë të tjerat”
Sa i përket kancerit të gjirit me më pak persona të sëmurë rezultojnë Kukësi, Dibra dhe Durrësi ndërsa me më shumë Tirana, Fieri dhe Korça./Opinion.al
