Partia Demokratike ka ndryshuar strategji, duke përshkallëzuar nivelin e protestave që ajo zhvillon çdo seancë plenare. Për këtë të enjte, Kolegji i Kryetarëve ka vendosur që të mos ketë protestë si zakonisht para Godinës së Kuvendit, por të aksioni opozitar të përshkallëzohet.
Nga kjo e enjte mësohet se opozita do të nisë protesta rajonale në akset kryesore kombëtare, duke bllokuar edhe rrugët
“Zgjedhjet pa opozitën janë farsë. Ne nuk do të lejojmë më që zgjedhjet në Shqipëri t’i organizojë dhe diktojë krimi. Zgjedhjet do të mbahen pasi të ndëshkohen hajdutët e votave të 2017. Me Edi Ramën dhe me Dakon e Gjiknurin në krah të tij nuk mund të ketë zgjedhje të lira as sot, as mot. Prandaj largimi i tij i hap rrugë zgjidhjes politike që kemi kërkuar ne, opozita e bashkuar dhe legjitime e Shqipërisë, për të hapur dialogun me qeverinë e re tranzitore për masat që duhen marrë për të krijuar kushtet për zgjedhjet”, mësohet të ketë thënë kreu i PD-së, Lulzim Basha gjatë mbledhjes së Kolegji të Kryetarëve. Ndërkohë opozita do të organizojë protestën e ardhshme kombëtare më 11 maj, në orën 18:30./Opinion.al
