Vijojnë problemet e sigurisë për rrjetet sociale Facebook dhe Instagram.
Pas skandalit të pak ditëve me parë, ku drejtuesit e Facebook pranuan se emailet e 1.5 milionë përdoruesve të saj ishin eskpozuar pa dashje, çka mund të ketë çuar në vjedhjen e tyre, diçka tjetër ka ndodhur, por këtë herë me Instagramin.
Fjalëkalimet e miliona përdoruesve janë ekspozuar në serverat e Instagram, duke u dhënë mundësi punonjësve të kësaj kompanie ti shohin këto fjalëkalime.
Ky lajm është bërë i ditur nga drejtuesit e Facebook, të cilët janë shprehur se fjalëkalimet e përdoruesve të Instagram ishin ruajtur me një tekst të thjeshtë dhe jo të enkriptuar (koduar).
“Vlerësojmë se kjo çështje ka prekur miliona përdorues të Instagram. Do të njoftojmë përdoruesit e prekur, sikurse kemi vepruar edhe në raste të tjera”,-u shprehën zyrtarët e Facebook, të cilët kanë në varësi edhe rrjetin social Instagram.
Nuk dihet ende shifra e qartë e përdoruesve që janë prekur nga zbulimi i fjalëkalimeve dhe gjithashtu nuk dihet nëse ato janë keqpërdorur nga punonjësit./Opinion.al/
