Anëtari i Dhomës Amerikane të Tregtisë, Mark Crawford është shfaqur kritik ndaj klasës politike shqiptare, e cila sipas tij zgjidhjet e i kërkon nga të huajt. Crawford gjithashtu ka dënuar vendimin e opozitës për të djegur mandatet.
Gjatë emisionit “Ekopolitikë”, ai ka thënë se politika probleme do të ketë gjithmonë, por zgjidhja nuk duhet pritur vetëm nga të huajt. Me ironi, ai ka thënë se politika amerikane nuk ka pritur ndonjëherë zgjidhjen nga ambasadori japonez.
“Grindjet në politikë ndodhin, do të ndodhin pas 10 vitesh, por është diçka që duhet bërë brenda parlamentit. Kur unë kam qenë këtu qoftë në kohën e socialistëve, qoftë në kohën e demokratëve, të gjithë shkojnë në rrugë, shkojnë të zgjidhin problemet në rrugë duke pritur për amerikanët, apo për evropianët që të vijnë dhe të zgjidhin problemet e tyre. Ata vijnë, por janë ftuar të vijnë dhe normalisht në një komb për mua nuk do ishte çudi që të kishte grindje në Parlament. Ne kemi pasur grindje në Parlament në Amerikë, por të presim ambasadorin nga Japonia të vijë e të na thotë çfarë duhet të bëjmë ne në Washington. Për mua kjo është pak e çuditshme”, ka thënë Mark Craëford./Opinion.al
