Dhënia e lejes për ndërtimin e HEC-it mbi përroin e Rehovës, ka bërë që banorët e Kolonjës në Gjirokastër t’u rikthehen protestave.
Banorët shprehen se kjo çështje u publikua 2 muaj më parë, por deri më tani ende nuk është zgjidhur.
Sipas tyre, kompania ETT Group Auto.shpk ka marrë në maj të vitit 2017 një miratim paraprak prej Ministrisë së Infrastrukturës dhe Energjisë për vazhdimin e proceduarave për HEC Kolonja me kapacitet të instaluar 700 kë.
Po ashtu, banorët e Kolonjës shprehen se kompania ndërtuese pretendon se ka bërë dhe dëgjesë publike, gjë e cila sipas tyre nuk është e vërtet, pasi nuk është thirrur asnjë takim në terren.
Banorët shprehen të shqetësuar për ndërtimin e këtij HEC-i, pasi projekti prek ujin e pijshëm, por dhe atë të vaditjes.
Kujtojmë që, pak kohë më parë Ministria e Infrastrukturës dhe Energjisë pezulloi projektet për ndërtimin e HEC-eve që ende nuk kanë filluar punimet, me arsyetimin se do të shqyrtohen të gjitha lejet e dhëna të projekteve./ Opinion.al E. Xh.
