Ndërkohë që ish-i dashuri i saj, i super modeles Gigi Hadid, këngëtari Zayn Malik, po përballet me reagimin e ashpër të fansave në Instagram, të cilëve u tha që të “shkonin në të s*mës”, Gigi Hadid ka dalë për t’u argëtuar me një “shok” të ri.
Gigi mbante veshur me një bluzë neon dhe një xhaketë të zezë, por pavarsisht dëshirës për tu fshehur nuk i shpëtoi dot syve kureshtarë dhe paparacëve.
Ajo u fotografua në Nju Jork të mërkurën, duke shijuar darkën me të në një restorant sushi, teksa nuk mungonin përkëdheljet dhe përqafimet. Modelja 23-vjeçare flitet se ka krijuar një lidhje të re me Samuel Krost, i njohur më së shumti për paraqitjen në dokumentarin famëkeq të Fyre Festival.
Dalja e saj në publik vjen menjëherë pas deklaratave publike të Zayn, që besohet se i referohen marrëdhënies me shkëputje me Gigi Hadid:
“Ti nuk je personi që thoje se ishe. Ky nuk është një vend për ndjenja”.
Zayn dhe Gigi janë ndarë dhe ribashkuar disa herë, por duket se këtë herë shkëputja e marrëdhënies është përfundimtare./Opinion.al
