Filmat shqiptarë të para viteve 90-të kanë qenë mjaft të dashur për publikun. Një nga produksionet më të dashura prej nga kanë dalë shumë batuta dhe kanë qenë pjesë emra të njohur aktorësh shqiptar, ka qenë filmi “2 herë mat”.
Roli i vajzës së vogël Rudina në këtë produksion është luajtur nga Manjola Begolli. E ftuar në Top Channel ajo ka ndarë disa kujtime nga xhirimet.
“Shuplaka që më ka dhënë Bujar Kapexhiu në Kinoprovë, se e bëja me Bujar Kapexhiun, m’i ka bërë sytë xixa e më thoshte qaj”,-është shprehur aktorja.
Ajo ka shtuar se kishte skena ku ajo duhet të qante dhe nuk i realizonte dot dhe për këtë arsye ndërhynte në këtë mënyrë aktori dhe publicisti i njohur Bujar Kapexhiu./Opinion.al/
