Shqiptari Mane Driza në Britani i njohur me pseudonimin “Scarface” është dënuar me 20 vjet burg për vrasjen e mikut të tij Stefan Bledar Mone. Ai e vrau mikun e tij në vitin 1999 në një apartament në Londër duke e qëlluar me 120 thika.
Gjithashtu ai shpallur fajtor më parë për 4 vrasje të tjera dy në Shqipëri dhe dy në Itali duke bërë që rasti i tij të quhet i pazakontë nga gjykata në Britani. Pasi kreu shokun e tij në Londër Driza u arratis në Itali ku vrau dy shqiptarët Artanit Maskaj dhe Albert Blushaj, si dhe tentoi të vriste Lefter Maskaj.
Ai mori dënim për këto vrasje në vitin 2002 në Itali dhe u ekstradua në Qershor në Britani për shkak të vrasjes së Stefan Bledar Mones. Ndërkohë më herët në vitin 1997 ai ka vrarë babë e bir Elmaz dhe Lavdosh Kananin në fshatin Bishan të Fierit.
Pas këtyre krimeve ai u arratis në Britani duke u pretenduar si shtetas kosovar që po arratisej për shkak të luftës. Driza e vrau shokun e tij në vitin 1999 pasi dyshonte se i kishte vjedhur unazën e martesës. Askohe Mone u gjet i vdekur nga partnerja e tij shtatzënë I shpërfytyruar nga goditjet e thikës./Opinion.al/
