Në këtë edicion të Eurovision, Shqipëria do të përfaqësohet nga këngëtarja Jonida Maliqi me këngën “Kthehu Tokës” mbrëmjen e dytë gjysmë-finale. Ajo ka zgjedhur stilistin e njohur Ardi Asllani për të stiluar veshjen e saj dhe sot i ftuar në “Klubin e mëngjesit” ai ka treguar disa detaje të veshjes.
“Veshja ka elementë metalikë, i cili ka bërë një punë të shkëlqyer. Elementë të aksesorëve ilirë i kemi marrë dhe e kemi sjellë tek veshja e Jonidës”, -tha Asllani.
Stilisti i njohur është pyetur nëse është e vështirë të punosh me këngëtaren Jonida Maliqi dhe është përgjigjur kështu:
“ Kisha dy javë që prisja Jonidën të vinte të shihte fustanin. Ju e dini që ajo është një gocë detajiste dhe me shije. Kishte parë skicat, por nga skicat deri tek realizimi ka ndryshime. Tani që e pa ndihem më i qetë, sepse e kemi ndarë të dy këtë moment. Ndoshta unë do mund ta bëjë dy herë Eurovizionin (uroj jo), por për Jonidën është hera e parë që shkon në Eurovizionin dhe dua që gjithçka të jetë perfekte”,-përfundoi Ardi Asllani.
Jonida do të performojë më 16 maj në Tel Aviv./Opinion.al
