Seanca gjyqësore e parashikuar për t’u kryer këtë të martë ndaj Klemend Balili është shtyrë për herë të tretë. Shkak u bë mungesa e tij dhe e avokatit të tij në sallën e gjyqit. Këtë të martë organi i akuzës do të lexonte konkluzionet përfundimtare për të ashtuquajturin “Eskobari i Ballkanit”.
Seanca e ardhshme ku pritet të jepet është caktuar më 8 Prill. Ndërkohë gjykata gjobiti me 10 mijë lekë të reja avokatin Theodhori Sollaku pas mungesës në seancën e sotme.
Ai akuzohet për “Trafikim të lëndëve narkotike në bashkëpunim”, “pjesëmarrje në grupin e strukturuar kriminal”, “Refuzim për deklarim, mosdeklarim, fshehje ose deklarim i rremë i pasurive”, si dhe për “Pastrim parash”.
Balili u vetëdorëzua në mëngjesin e 15 janarit në Policinë e Tiranës, pas 2 vitesh arrati. /Opinion.al
