I ndalur në Marok, Papa Françesku u takua me emigrantë, me udhëheqës myslimanë, e më pas mbajti edhe një meshë për komunitetin e vogël të katolikëve romanë të vendit.
Mesha u mbajt në një qendër sportive në kryeqytetin maroken, Rabat, këtë të dielë, aty ku besimtarë u dyndën drejt ceremonisë. Duke folur nga katedralja e Rabatit, Ati i Shenjtë porositi katolikët të mos përpiqen të detyrojnë njerëzit të konvertohen në besimin e tyre fetar, duke u shprehu se kjo gjë “çon gjithmonë në një udhë pa krye”.
“Ju lutem, jepuni fund përpjekjeve për konvertim”, tha ai para një audience të gjerë.
Një ditë më parë, Papa u takua me emigrantë të shumtë, kur vizitoi një qendër të drejtuar nga organizata humanitare katolike e Karitasit.
Ati i Shenjtë u ftua për një vizitë në Marok nga Mbreti Mohammed VI. Edhe pse në një vend të dominuar nga myslimanët, Papa tha se u prit ngrohtë nga populli./Opinion.al
