Ajo është një nga këngëtaret e dashura për publikun shqiptar dhe gjithashtu e njohur për vokalin e fuqishëm. Por duket se jo çdo gjë ka qenë mirë në këtë periudhë për këngëtaren nga Kosova Flaka Krelani.
Përmes një postimi në Instagram ajo ka folur për herë të parë për problemet shëndetësore që ka patur duke e cilësuar si një ‘periudhë të errët’.
Krelani ka dashur të ndajë këtë fakt me ndjekësit në rrjete sociale për ti ndihmuar dhe motivuar nëse janë duke kaluar situata të ngjashme.
“Fundi i vitit 2018 dhe fillimi i vitit 2019 ka qenë i vështirë për mua fizikisht dhe mendërisht. Arsyeja që po shprehem kaq shumë, është sepse secili prej nesh ka vështirësi të cilat janë normale, zhgënjimet gjithashtu janë normale, si mungesa e motivimit, nuk është fundi i botës apo gjëra të tjera që na bëjnë të ndihemi keq. Do të doja të gjitha të ishin si ilaçe që të mund t’i konsumoja çdo ditë, sepse më ndihmojnë të arrijë gjithçka që dua në jetë. Ajo që jemi, është ajo për të cilën jemi të gatshëm të luftojmë. Kthejeni veten në prioritet dhe mos e ktheni “problemin” në problem, sepse ai nuk ekziston. Shëndeti është e vetmja gjë e rëndësishme në jetë”, -ka shkruar këngëtarja.
Pas këtij postimi ajo ka marrë menjëherë mbështetjen nga ndjekësit e saj në rrjete sociale duke e përgëzuar për guximin./Opinion.al/
