Fatmir Xhafaj ka dalë kundër Sandër Lleshaj në lidhje me vettingun në polici. Nga kryesia e Kuvendit ai tha se SHÇBA nuk mund të bëjë dot vettingun e policëve, pasi është një institucion që varet direkt nga ministri i Brendshëm. Po ashtu sipas tij ky institucion nuk i ka kapacitetet e duhura për ta bërë këtë proces.
“Ndryshimet që i bëhen ligjit, nuk janë të duhurat. Cenohet privatësia, nuk mund të bëhet nga SHÇBA një institucion që drejtohet nga ministri. Cenohet cilësia dhe shpejtësia e vetë procesit. SHÇBA nuk ka kapacitet e duhura të kryejë këtë proces. T’i besosh vettingun e 1300 policëve një institucioni me mbi 100 punonjës nuk është e duhura”, theksoni ish-ministri i Brendshëm.
Xhafaj tha se policia ka prekur lidhjet e krimit dhe me median, që sipas tij po sulmon me pa të drejtë punën e policisë. Po ashtu ai pati dhe një përgjigje për akuzat nga PD, pasi prej disa ditësh Ervin Salianji ka publikuar materiale audio nga prokuroria ku drejtorë të policisë flasin në telefon me Fredi Alizotin, i përfshirë në dosjen “Babale”. Pjesë e kësaj dosje ishte dhe vëllai i Fatmir Xhafajt.
“Historitë e montuara dhe shfrytëzua nga lolot e PD nuk kanë për qëllim drejtësinë, nuk e marr seriozisht budallallëkun e këtyre njerëzve. Jam njeri i ligjit dhe do pres me padurim verdiktin e institucioneve që zbatojnë ligjin”./Opinion.al
