Dy shqiptarë janë arrestuar nga policia britanike pasi u kapën teksa kujdeseshin për një “fabrikë” droge në një zonë industriale në Redgrave, Suffolk.
Sipas policisë, shqiptarët e arrestuar janë identifikuar si 29-vjeçari Daniel Muhaj dhe 35-vjeçari Eglant Selenica jetonin në Redgrave.
Nga verifikimet e bëra nga autoritetet britanike, rezulton se Muhaj dhe Selenica janë futur në mënyrë të paligjshme në Mbretërinë e Bashkuar.
Policia deklaron se sasia e sekuestruar e lëndës narkotike nëse do të dilte në treg do të kapte vlerën e 1 milionë paundëve.
Pas arrestimit, dy shqiptarët u shpallën fajtor nga drejtësia e Ipswich për prodhimin e lëndës narkotike.
Hetimet kanë zbuluar se Selenica ka udhëtuar nga Rumania në Britani të Madhe për të gjetur punë në ndërtim, por më pas i është ofruar punë për kujdesjen e prodhimit të kanabisit.
Ndërsa Muhaj hyri në Mbretërinë e Bashkuar në anën e pasme të një kamioni nga Franca dhe më pas u punësua në fabrikën e drogës.
Ata u arrestuan të hënën, pasi policia u sinjalizua për aromën e fortë të kanabisit nga pronari i ndërtesës dhe qiramarrësit e tjerë aty pranë..
Muhaj dhe Selenica u mbajtën në paraburgim dhe do të dënohen në gjykatën e Ipswich, në një datë ende të papërcaktuar, raporton BBC./Opinion.al. E.Xh.
