Skandalet dhe gjithçka që ndodh në familjen Kardashian pasqyrohet tashmë prej vitesh në serialin “Keeping Up With The Kardashians”.
Pak kohë më parë kjo familje u përfshi në skandalin e tradhtisë mes partnerit të Khloe Kardashian, Tristan Thompson dhe mikeshës së shtëpisë Jordyn Woods. Ndonëse mendohej se diçka e tillë nuk do të pasqyrohej në serial, në fakt ka ndodhur krejt e kundërta. Në promon e re të publikuar të sezonit të ri të serialit shfaqet Khloe e shkatërruar nga tradhtia e partnerit të saj ku shprehet:
“Ta shpif fakti që duhet të jetë kaq publike. Unë nuk jam thjesht një serial televiziv. Kjo është jeta ime. Familja ime u shkatërrua. True është gjëja më e mirë që më ka ndodhur ndonjëherë,”-thotë Khloe mes lotësh. Ndërkohë mësohet Kylie nuk ka dashur të jetë pjesë e këtyre xhirimeve ku është përfshirë miqësia e saj me Jordyn Woods./Opinion.al/
