Ndahet nga jeta në moshën 76-vjeçare, një prej ikonve të futbollit të viteve 60-70 njëherësh ish-trajneri, Ali Mema.
Ikona e klubit të Tiranës humbi betejën me një sëmundje të rëndë, duke lënë pas vetes një trashëgimi të madhe në sportin shqiptar, e mbi të gjitha në skuadrën bardheblu.
Ali Mema e kaloi pjesën më të madhe të karrierës me Tiranën, ndërsa ka luajtur edhe me Vllazninë dhe një sezon me Partizanin, teksa regjistroi edhe 14 ndeshje me Kombëtaren.
Mema mban disa tituj, nga të cilët: “Mjeshtër i Madh”, “Mjeshtër Sporti”, “Mjeshtër i Merituar”, “Nderi Sportit Shqiptar”, “Legjenda e Futbollit Shqiptar”, “Mirënjohje e Qytetit të Tiranës”.
Homazhet në nderim të Ali Memës do të zhvillohen nesër nga ora 10:00-12:00 në ambientet e stadiumit “Selman Stërmasi”./Opinion.al
