Futbollisti i kombëtares shqiptare, Ansi Agolli, është zyrtarisht pjesë e skuadrës së New York Cosmos. Lajmi është bërë i ditur nga vetë skuadra New York Cosmos, përmes një postimi në faqen e tyre zyrtare të internetit.
Pas zyrtarizmit, Agolli është shprehur se ndjehet rehat në skuadër ne tij të re dhe se do të përpiqet për të dhënë rezultate pozitive gjatë ndeshjeve.
“Ndihem shumë rehat. Është si një familje brenda dhomës së zhveshjes. Jam shumë i ngazëllyer dhe pres me padurim ndeshjet dhe rezultatet me ekipin e ri. Në Shqipëri, kur të mendoni për futbollin amerikan, Cosmos është emri i parë që do iu vijë ndërmend. E di që klubi ka të bëjë me traditën dhe unë do të bëj çmos për të ndihmuar ekipin dhe ta mbaj traditën.”-tha mes të tjerash Agolli.
Nga ana tjetër zyrtarët e skuadrës amerikane janë shprehur për 36 vjeçarin se ai do të ketë një ndikim të rëndësishëm jo vetëm në përmirësimin e skuadrës por dhe që të merret shembull dhe nga lojtarët e tjerë.
“Ne jemi tepër të ngazëllyer për të pasur Ansi me ne këtë sezon.Përvoja e tij në lojë flet vetë dhe ne ndjehemi se ai do të ketë një ndikim të jashtëzakonshëm në fushë. Ai do të ndikojë jo vetëm me aftësinë e tij, por edhe duke dhënë një shembull për lojtarët tanë më të rinj në ekip.“-tha zv.presidenti, Joe Barone.
“Në pak ditë ai ka qenë këtu dhe janë të qarta cilësitë e tij. Tifozët e Cosmos do të gëzohen kur ta shikojnë në aksion. Edhe pse ka arritur shumë, ai është një lojtar i përulur i cili punon çdo ditë në stërvitje”.-tha tekniku i New York Cosmos, Carlos Mendes.
Agolli firmos me New York Cosmos nga Qarabak, ku luajti në më shumë se 150 ndeshje, mes kampionatit, kupës dhe Kupave të Europës. Gjatë 10 viteve në Azerbajxhan, mbrojtësi i linjës së majtë fitoi 5 tituj kampion./Oponion.al E.Xh.
