Sot është një nga këngëtarët më të suksesshëm dhe fitues 4 herë i Grammy Awards, por jeta nuk ka qenë gjithnjë e tillë për këngëtarin Ed Sheeran.
Ai është shprehur se në kohën kur ka qenë në shkollë shokët e tallnin që shkak të flokëve të kuqe dhe syzeve. 28-vjeçari, i cili sot është i martuar me miken e tij të fëmijërisë Cherry Seaborn, u shpreh gjatë një interviste për një fushatë anti-racizmi se më parë e urrente shkollën dhe se qante çdo ditë.
Por tashmë mendon se pikërisht pamja e tij ndryshe e ka ndihmuar në rrugën e tij të artit dhe muzikës. “Gjithmonë dukesha i çuditshëm dhe nuk kisha shumë fat me vajzat. Më pas kur nisa të merrem me muzikë gjërat ndryshuan dhe për mua shpreheshin, ‘shikoni ai djali me flokë që kuqe dhe më kitarën e vogël’. Përpara se të merrja kitarën dhe të bëja muzikë vërtetë që nuk bëja asgjë as ndonjë sport. Nëse luaje mirë futboll atëherë ti ishe interesant, por unë nuk isha i tillë,”-u shpreh Sheeran.
Këngëtari ka ndarë edhe herë të tjera eksperiencat e tij të vështira, përpara se të bëhej një muzikant i njohur dhe shumë i pëlqyer kudo në botë./Opinion.al/
.
