Policia ka shpallur në kërkim Dervis Arapin për vrasjen e Jurgen Kurtit mbrëmjen e të hënës në Tiranë. Dervis Arapi është djali i Agim Arapit, sipërmarrësit nga Durrësit që humbi jetën në prill të vitit 2017 për shkak të një sherri me Jurgen Kurtin dhe vëllezërit Ekonomi.
Sipas burimeve, policia e ka referuar vrasjen në prokurori për gjakmarrje. Gjithsesi, referuar sistemit TIMS, Dervis Arapi nuk ndodhet në Shqipëri prej muajit janar, ndaj nuk dihen provat që çuan Policinë e Tiranës te ky emër. Vjollca Arapi, bashkëshortja e të ndjerit Agim Arapi, ka deklaruar se nuk ka lidhje me ngjarjen dhe se fëmijët e saj janë në emigracion.
Mbrëmjen e së martës, Vjollca Arapi në një lidhje direkte me emisionin “Opinion” tha se i gjithë konflikti ka nisur për qeranë që i kërkoi Jurgen Kurtit, por zonja Arapi tha se nuk kishte dashur asnjëherë të vriste të riun.
“Ka qenë një debat banal, i kërkova qeranë. Asnjë gjë nuk mbaj mend në atë moment, të tre kanë qenë brenda në atë moment. Konstandin Ekonomi shtyu ne forcë Jurgen Kurtin, prokuroria nuk mori për bazë as pamjet flimike, as deklarata e mia as dëshmitarët kush ka qenë. Ka qenë një vrasje makabre. Jurgen Kurti u kap atë natë dhe u lirua po atë natë. Ka ardhur një urdhër. Konstandin Ekonomi na tha që të firmosnim një deklaratë dhe unë nuk e provova”, deklaroi Vjollca Arapi për emisionin “Opinion”./Opinion.al
