I arrestuari për vrasjen e djeshme te liqeni, Myftar Pasha, ka dhënë dëshminë përballë uniformave blu. Ai ka thënë se ishte mik prej kohësh me Islam Myrtajn, i cili akuzohet për vrasjen e djeshme. Të shtunën, thotë Pasha, kishin dalë për xhiro nga liqeni, kur papritur kishin parë Haxhi Baçinozin. Sipas tij, ka qenë viktima ai që ka ofenduar Islam Myrtajn e më pas janë përleshur fizikisht.
“Islam Myrtajn e kam shok dhe komshi. Te shtunën pasdite më mori ne telefon me pyeti ku je. I thashë po dal nga liqeni dhe ai erdhi më shoqëroi. Ishim duke ecur te dy kur përballë pamë Haxhi Baçinozin me te birin. Islami me tha “boo kush duron këtë, do më kujtojë lekët”. Kur Haxhiu u afrua e ofendoi Islamin rëndë dhe e goditi. U përleshën të 2 dhe pastaj Islami nxori pistoletën dhe qëlloi 4 ose 5 herë. Sapo qëlloi, Islami u drejtua drejt kodrës. Ndodhi shumë shpejt. Unë nuk kisha dijeni që Islami kishte armë dhe që do e vriste. U tremba shumë dhe shkova direkt në shtëpi. Sot u qetësova dhe mora kontakt me policinë”, ka thënë ai, në dëshminë e zbardhur nga “Neës 24”.
Myftar Pasha akuzohet për moskallëzim krimi. Ndërkohë, vrasësi i Baçinozit është Islam Myrtaj, i cili është ende në kërkim. /Opinion.al
