Në Shqipëri urdhra mund të jepen, por ato mbeten vetëm në shkresa. I tillë është dhe urdhri që ministri i Brendshëm, Sandër Lleshaj dha për ndalimin e djegieve të mbeturinave në Porto Romano.
Në nëntor të 2018, zoti Lleshaj urdhëroi që policia të dalë në terren, sidomos në zonat problematike, ku digjen mbeturinat. Dhe sa për një kronikë televizive zjarrfikëset dolën dhe ndalën djegien e mbeturinave në Porto Romano, por vetëm kaq. Kjo video është filmuar këtë të premte dhe duket shumë qartë se si po digjen mbeturinat në këtë zonë.
Për këtë problem banorë dhe studentë të Universitetit “Aleksandër Moisiu” kanë depozituar një kërkesëpadi në Gjykatën Administrative të Shkallës së Parë ndaj Bashkisë së Durrësit. Jashtë çdo standardi mjedisor, vendgrumbullimi i mbetjeve urbane në Porto Romano të Durrësit, i shtrirë në një sipërfaqe prej 200 mijë metrash katrorë, vazhdon të zgjerojë kufijtë e tij.
Por Durrësi nuk është i vetmi qytet që ka probleme me djegiet në vendgrumbullimet e mbetjeve dhe ndotjen e ajrit nga tymrat toksikë. Sipas Ministrisë së Brendshme, probleme janë konstatuar edhe në Vlorë, Kukës, Tiranë e Dibër./Opinion.al
