Shkarkimi i tij u njoftua me bujë. Por Kastriot Skënderaj pas largimit si drejtor i Policisë së Tiranës tani do të jetë këshilltar i Drejtorit të Përgjithshëm të Policisë së Shtetit, Ardi Veliu.
Pas tensioneve mes përbarimit dhe banorëve të një banese tek “Petro Nini”, si ministri i Brendshëm dhe kryeministri thanë se policia nuk veproi si duhej, e për këtë u bë “kurban” Kastriot Skënderaj.
Me një karrierë 28-vjeçare në polici, Skënderaj drejtoi për një vit policinë në qarkun më të madh të vendit. Ai është diplomuar “Specialist i Lartë Policie” pasi përfundoi studimet në Shkollën e Lartë të Policisë në Ministrinë e Brendshme. Në periudhën kohore nga viti 1985 deri në vitin 1989, ka ndjekur studimet në Shkollën e Lartë në Ministrinë e Brendshme.
Gjatë karrierës së tij, formimi akademik plotësohet me një sërë kursesh trajnimi brenda dhe jashtë vendit si në Kroaci, Itali, Turqi, Mal i Zi, Maqedoni, Hungari dhe Akademinë e Sigurisë, Tiranë, të organizuara nga PAMECA dhe ICITAP./ Opinion.al
