Interi rikthehet te fitorja, pasi mposhti Spalin me rezultatin 2-0, duke marrë një 3-pikësh mjaft të rëndësishëm, vetëm një javë para ndeshjes derbi me Milanin.
Zikaltrit e nisën mirë takimin dhe arritën të shënojnë me anë të sulmuesit Lautaro Martinez, por ndërhyrja e VAR bëri të pavlefshëm golin.
Më pas gjithçka filloi të shkojë keq për zikaltrit. Goli i zhbllokimit të rezultatit erdhi në minutën e 67’, kur Mateo Politano u shërbye mirë në zonë dhe me një veprim të shpejtë, gjuajti, ndërsa falë edhe një devijimi, topi u ndal në rrjetën e portierit të Spalit, Emiliano Viviano.
Vetëm 10 minuta më vonë, pas një aksioni të gjatë të zikaltërve, ishte mesfushori italian Roberto Gagliardini, që pasi u shërbye në zonë nga Cedric Soares, arriti të gjuajë saktë dhe të shënojë golin e dytë, që qetësoi skuadrën./ Opinion.al
