Këngëtarja Eneda Tarifa ka kujtuar me nostalgji fillesat e karrierës së saj. Ajo ka publikuar disa foto në Instagram në të cilat shfaqet në fillesat e karrierës së saj së bashku me kantautorin Sajmir Çili. Përmes fotove ajo ka kujtuar daljen e saj të parë në skenë tek Festivali i RTSH-së.
“Me shumë dashuri e kujtoj daljen time të parë në një skenë të madhe sic ështe ajo e Festivalit Kombetar. Me shume dashuri kujtoj Sajmir Çili i cili më zgjati dorën duke më bërë pjesë të kompozimit të tij “Yjet e shpresës”. Ky djalë me një zë kaq të ëmbël dhe me një talent te padiskutueshëm, (që në atë kohë kish filluar të bëhej i famshëm), më hapi një derë të madhe drejt suksesit,”-përfundon Eneda. Në këto foto i shohim vërtet ndryshe artistët nga ditët e sotme./Xh.K/Opinion.al/
