“Jam zhgënjyer shumë veçanërisht nga kryetarja e LSI-së, Monika Kryemadhi, e cila na tha që opozita e ka marrë vendimin dhe nuk ka kthim pas. Presim që deputetët të bëjnë punën e tyre dhe të kthehen në Parlament. Edhe sikur opozita të ketë të drejtë për akuzat, bojkotimi nuk zgjidh asgjë”, tha eurodeputeti gjerman Fleckenstein gjatë vizitës në Tiranë.
Por ndryshe nga herët e tjera, Monika Kryemadhi ka treguar takimin që pati me eurodeputetin. Sipas saj Fleckenstein është ngritur nga tavolina kur i është përmendur dosja 339 dhe bandat e drogës.
“Fleckenstein kur ishim në takim, kur u diskutua dosja 339 u çua nga tavolina dhe iku”
Pse?
“Nuk e di, unë di të them që edhe kur përmenda bandat e drogës, të trafikut të drogës të Hamburgu ajo siç duket e irritoi më shumë seç duhet. Nuk duhet të harrojmë që zoti Fleckenstein është eurodeputet nga Hamburgu dhe ndoshta mund ti ketë bërë ndonjë premtim zoti Rama që gjithë kontingjenti shqiptar i zotit Rama që punon dhe jeton në Hamburg t’i shërbejë zotit Knut për vota”.
E keni analizë këtë, hamendje apo keni informacione?
“Kam përshtypjen që kështu funksionon…”/ G.F Opinion.al
