E ngarkuara me punë e Shteteve të Bashkuara të Amerikës në Shqipëri, Leyla Moses-Ones ka zhvilluar një takim me Lulzim Bashën në selinë e Partisë Demokratike. Takimi ka zgjatur rreth një orë, ndërsa në përfundim të tij nuk ka pasur prononcime për mediat as nga Moses-Ones dhe as nga Lulzim Basha.
Takimi u zhvillua një ditë pas protestës së opozitës. Ndërkohë, Christian Danielsson, Drejtor për Zgjerimin në Bashkimin Europian, do të zhvillojë nesër takime me kryeministrin Edi Rama dhe kreun e opozitës Lulzim Basha, e më pas do të japë edhe një konferencë për shtyp./Opinion.al
