Ata konsiderohen prej vitesh një nga çiftet më të bukur dhe më të dashuruar të showbizit botëror. Këngëtari Justin Timberlake dhe aktorja Jessica Biel janë prej vitesh të lidhur në martesë si dhe kanë një djalë me emrin Silas.
Mbrëmjen që lamë pas Jessica ka festuar ditëlindjen dhe sigurisht që nuk ka munguar një dedikim nga Justin. Ai ka publikuar disa foto të vjetra të tyre ku duken më të dashuruar se kurrë.
“Partnerja ime në këtë gjënë e quajtur jetë, je njeriu më i mrekullueshëm që kam njohur ndonjëherë. Ti më bën të buzëqesh, të qesh dhe të dua jetën më shumë seç mendoja se do ta doja ndonjëherë. Jam i lumtur për çdo moment që kam kaluar me ty dhe pres me pa durim të kalojmë akoma më shumë vite bashkë duke bërë të njëjtën gjë…por, të re. Gëzuar ditëlindjen. Të dua, bashkëshorti yt”,-përfundon urimi i Justin.
Nuk është hera e parë që ai i dedikon fjalë të tilla plot dashuri bashkëshortes së tij./Opinion.al/
