Paulin Stërkaj ishte një ndër deputetët e PS, i cili pati një incident me protestuesit e vendosur nga opozita përpara Parlamentit më 26 shkurt. Stërkaj u pengua nga turma të futej në sallën e Parlamentit.
Këtë të shtunë nga Shkodra, ku ishte me ministrin e Brendshëm, deputeti socialist ka treguar se çfarë i thanë protestuesit.
“Kam burime të sigurta se PD po paguan njerëz për t’i dërguar në protestë dhe për të bërë akte të dhunshme. Policia ka bërë gjënë e duhur dhe duhet që të vazhdojë të zbatoje ligjin. Nuk mund të lejohen dhunuesit që të sillen në atë mënyrë. Mua më rrethuan dhe më thanë je deputet i respektuar dhe perse nuk vjen tek ne. Duhet të mos biem pre e provokimeve të protestuesve të paguar që kanë skenarë të qarta për dhunë“./ Opinion.al
