Një aksident i frikshëm i mori jetën një 31-vjeçareje, pasditen e të enjtes në Gjirin e Lalzit. Si pasojë e përplasjes së dy automjeteve në fshatin Rrotull Manzë, humbi jetën Mirela Daci, e cila udhëtonte me të motrën dhe dy fëmijë, 7 dhe 9 vjeç.
Nga përplasja mbetën të plagosur dy fëmijët dhe motra e 31-vjeçares. Mirela Daci punonte në një klikikë private në kryeqytet, ndërsa kolegët e saj kanë bërë një dedikim prekës.
“Ike shumë shpejt Mirela. Ti me buzëqeshjen tënde të bukur do na mungosh çdo ditë. U prehsh në paqe engjëll”, shkruhet në faqen zyrtare të Facebook-ut të klinikës.
Ndërkohë tre të plagosurit janë jashtë rrezikut për jetën nën kujdesin e mjekëve./ Opinion.al
